মখোয়গী পোৎথোক্কী ললোন-ইতিক তৌবদা লৌমীশিংগী মতেং পাংদুনা লৌউ-শিংউগী ইনকম হেনগৎহনবগী পান্দমদা, প্রধান মন্ত্রী মোদীনা লৈবাক অপুনবদা ফার্মর্স প্রদ্যুসর ওর্গনাইজেসন (এফ.পি.ও.)10,000 লিংখৎলে।
কেন্দ্রনা মসিগীদমক্তা লুপা করোর 6,865গী বজেৎ কাইথোক্লে অমসুং এফ.পি.ও. খুদিংমক্তা লুপা লাখ 15গী ফন্দ ফংহল্লে, মসি লৌমীশিংদা অচৌবা কান্নবা অমনি। এফ.পি.ও.গী মেম্বরশিংনা মখোয়গী ইনকমদা খোংজেল য়াংনা হেনগৎহন্নবা তেক্নোলোজী, ইনপুৎ, ফাইনান্স অমসুং মার্কেৎ ফাওবা হেন্না ফজনা য়ৌশিনবা ঙম্ননবা ওর্গনাইজেসন্দা অমত্তা ওইনা মখোয়গী থবক-থৌরমশিংগী থৌরাং তৌগনি। চিত্রকুত্তা থৌরম অমদা ৱা ঙাংলদুনা প্রধান মন্ত্রী মোদীনা হায়খি, “লৌমীশিং অসি মতম পুম্নমক্তা প্রদ্যুসর ওইদুনা লাক্লি, অদুবু এফ.পি.ও.গী মতেংদগী মখোয় হৌজিক লৌউ-শিংউগী পোৎথোক্কী ললোন-ইতিক তৌবা য়ারগনি। মখোয়না মরু-মরাং হুনগনি অমসুং অশেংবা মমল ফংনবগীদমক্তা হৈ-শিংবা ললোলবা অমা ওইনসু থবক তৌগনি।”
